گود سبور//

وجه البرتغالي جواو ساكرامنتو المدرب المساعد بالطاقم التقني للناخب الوطني محمد وهبي، رسالة شكر ووداع بعدما سالات المهمة ديالو اللي تعاقد على قبلها مع الجامعة الملكية المغربية لكرة القدم، وهي الخدمة مع الطاقم التقني للمنتخب فمونديال 2026.

ونشر جواو ساكرامنتو رسالة على انستغرام ديالو، وقال: “غادي نوقفو هنا ولكن بريوسنا مرفوعة، كانحس بالحزن وكنت باغي يلعبو هاد اللاعبين فينال كاس العالم، وكايستاهلوه”.

وكمل البرتغالي وقال: “هاد الگروب هو مصدر فخر كبير بالنسبة ليا فمسيرتي، ماشي غير لداكشي اللي قدموه فالتيران، ولكن لداكشي اللي كايمثلوه كعائلة وابطال ورجال ضحاو بكلشي على قبل وطنهم، شكرا بزاف أصحابي”.

وختم ساكرامنتو وقال: “غادي نبقى ديما نشكر هذا البلاد على كل ما عطاتني، وعلى هاد المشاعر الواعدين وهاد اللحظات اللي بدلت حياتي، شكرا من قلبي”.