كود كازا//

كشف الرئيس الفرنسي السابق نيكولا ساركوزي، فكتابو الجديد “يوميات سجين Journal d’un prisonnier “، أن الملك محمد السادس كان من قادة العالم اللوالة اللي اتصلوا به قبل مايدخل للحبس فأكتوبر اللي فات.

وكتب ساركوزي ان الملك اتاصل به بعد انتشار خبر تنفيذ الحكم، وزاد: كان الصوت ديالو  كيرتجف من قوة التأثر وهو كيهضر معيا على إقتراب دخولي للحبس. وكان حزين ومصدوم.

واضاف ساركوزي فكتابو: تأثرت بزاف بمشاعر الملك حيت انا براسي أكن له إعجاب كبير من هادي سنوات.

ساركوزي فكتابو الجديد هضر على سيدنا وحتى على العلاقات اللي كتربطو بعدد من القادة وكيفاش تصرفو بعد الحكم عليه بالسجن فقضية التمويل الليبي المزعوم لحملته الانتخابية.