الرئيسية > آش واقع > ساركوزي أول رئيس فرنساوي غادي يتحاكم اليوم أمام القضاء.. تحاكم وتحكم قبل منُّو شيراك ولكن مامشاش للمحكمة بسبب وضعو الصحي
23/11/2020 11:00 آش واقع

ساركوزي أول رئيس فرنساوي غادي يتحاكم اليوم أمام القضاء.. تحاكم وتحكم قبل منُّو شيراك ولكن مامشاش للمحكمة بسبب وضعو الصحي

ساركوزي أول رئيس فرنساوي غادي يتحاكم اليوم أمام القضاء.. تحاكم وتحكم قبل منُّو شيراك ولكن مامشاش للمحكمة بسبب وضعو الصحي

عمـر المزيـن – عن اورونيوز//

الرئيس الفرنسي السابق نيكولا ساركوزي غادي تبدا اليوم الإثنين فالعاصمة الفرنسية باريس أولى جلسات محاكمته فقضية قلبات فرنسا إلى جانب محاميه تييري إرتزوغ والقاضي السابق جيلبير أزيبير.

هاد المحاكمة، حسب وسائل إعلام فرنسية، هي الأولى من نوعها فالتاريخ ديال فرنسا.

ساركوزي هو أو رئيس فرنسي غادي يتحاكم أمام القضاء في فترة ما بعد الحرب، على خلفية فساد.

ساركوزي كان ندد بهاد المحاكمة وقال أنها “فضيحة غادي تسجل فالتاريخ”، وتعهد باش يمشي ليها بروح “قتالية”.

وساركوزي اللي انسحب من السياسة بعد خسارتو في انتخابات اليمين التمهيدية أواخر 2016، كيواجه احتمال الحبس لعشر سنوات وغرامة بقيمة مليون اورو بتهم الفساد واستغلال النفوذ.

وهاد القضية المسماة قضية “التنصت” منبثقة في الأصل من ملف قضائي آخر كيهدد ساركوزي هو الشبهات بحصوله على تمويل ليبي فالحملة الرئاسية ديالو في 2007.

يشار إلى أنه من قبل نيكولا ساركوزي كان تحاكم الرئيس السابق جاك شيراك وتحكم عليه فـ2011 بالسجن عامين بتهمة اختلاس أموال عامة عبر وظائف وهمية في بلدية باريس ولكن لم يمثل أمام القضاة بسبب وضعو الصحي.

 

موضوعات أخرى

19/01/2021 07:00

نور الدين مضيان لـ”كَود”: الجزائر بلاصة ما تديها فتنمية بلادها مقابلة دير خط بحري مع مليلية ولكن هادشي ماغاديش يزعزعنا