كود أكادير//

كشفت مصادر إعلامية بسوس، أن الدائرة الانتخابية رقم 2، بالجماعة القروية تالمكانت قيادة أرگانة تارودانت الجنوبية، عرفت مفاجأة سياسية كبيرة بصفر صوت للمرشحين المشاركين فهاد الاستحقاق.

هاد الدائرة لي فيها 224 مواطن مسجل فاللوائح الانتخابية،  لكن فقط 13 لي شاركو نهار التصويت ولكن هادو كلهم أصوات ملغاة.

هاد الانتخابات الجزئية كانت الخميس 12 شتنبر 2024، بالجماعة القروية تالمكانت قيادة اركانة تارودانت الجنوبية، بالضبط الدائرة الانتخابية 2، على معقد واحد مخصص للنساء.

فهاد الانتخابات تنافسو جوج أحزاب سياسية هما: حزب الأصالة والمعاصرة، حزب التجمع الوطني للأحرار، لكن النتيجة النهائية بعد إغلاق مكتب الاقتراع: 13 صوتا معبرا عنه من أصل 224. كلها ملغاة. يعني حتى واحد مربح.

فهاد الانتخابات الجزئية المحلية لي فيها عزوف كبير، بحال الانتخابات البرلمانية الجزئية فدائرة المحيط (نسبة المشاركة 6 فالمائة)، كيدل بلي مشكل كبير فالثقة بين المواطنين والأحزاب السياسية.