كود أصيلة//
سابقة ف تاريخ الحملات الانتخابية بالمغرب، وهاد المرة مرشح استقلالي دار لايف من بيت نعاس باش يطلب من الناس وأصدقاؤ يصوتو على حزب الاستقلال لأنه حزب وطني وماشي حزب ديال الطنجرا د الساعا ولا حزب الحصان والأحرار .
الاستقلاليون ف أصيلة كانوا كيتسناو عودة قوية للحزب بعد سنوات من الغياب عن دائرة الراحل محمد بنعيسى، فإذا بهم يستقبلون مرشحهم، مصطفى الطليكي، في فيديو غريب عجيب: المرشح يفتتح حملته الانتخابية من على فراش النوم، مستلقياً وكيقدّم وعوده الانتخابية قبل ما ينعس.
لا طاولة، لا كراسٍ، لا لافتة، لا لقاء مع المواطنين… فقط مرشح ممدد ف بيت النعاس كيخاطب سكان الدائرة باش يقنعهم أنه قادر على تمثيلهم في مجلس جماعي.
واش هذا أسلوب تواصلي جديد عند حزب الاستقلال؟ خصوصا وأنه داير حملة سابقة لأوانها بفيديوهات الذكاء الاصطناعي.
يشار بأن وفاة بن عيسى، نهاية فبراير الماضي، خلقت نوع من الفراغ السياسي داخل الدائرة، وهادشي لي خلا عدد من الأحزاب دخل باش تنافس وتموقع من جديد.
حزب الأصالة والمعاصرة، للي ورث حضور سياسي قوي من الراحل بنعيسي باغي يحافظ على مقعده فالمجلس الجماعي، بترشيح عبد السلام بلهرية، للي كينتمي لعائلة زيلاشية معروفة في المدينة.
المنافس القوي للبام فهاد الدائرة هو حزب الاتحاد الدستوري لي رشح خولة المهدي، وهي وجه شبابي فاعل في مجالات كثيرة من الرياضة للتنمية وغيرها.
https://www.facebook.com/share/v/16AhKQ9WFm/?mibextid=wwXIfr
