وكالات//
صدر جورنال “إل فوجليو” الطالياني أول عدد ليه كيتدار بالكامل بواسطة الذكاء الاصطناعي، فخطوة غير مسبوقة باش يختبروا واش هاد التقنية قادرة تدير المحتوى الصحفي.
التجربة غادي تدوم شهر واحد، باش يتابعوا تأثيرها على طريقة العمل الصحفي.
العدد الذكي، اللي سميته “إل فوجليو إيه آي”، جاي فحجم أصغر من العدد العادي، فيه غير أربع صفحات عوض عشر فالنسخة المعتادة. وتفرق العدد الأول بشكل مجاني، مع النسخة الورقية اللي كيتباعو بـ 1.80 يورو، وتم توفيره إلكترونيًا على الإنترنت.
هاد التجربة كتستخدم برامج الذكاء الاصطناعي فإنتاج العناوين، صياغة الملخصات، واختيار الاقتباسات، بينما دور الصحافيين كيبقى في طرح الأسئلة ومراجعة الأجوبة قبل النشر، باش يضمنوا الدقة والجودة ديال المحتوى.
فنهاية التجربة، الفريق ديال “إل فوجليو” غادي يحلل النتائج ويشوفوا التأثير ديال الذكاء الاصطناعي على طريقة العمل الصحفي، فمحاولة باش يحولو هاد التكنولوجيا من مجرد فكرة تقنية لواحدة من الأدوات العملية اللي تقدر تدخل فصناعة الأخبار.