كود كازا//

قالت مصادر مطلعة أن (كود) أن سائح إيطالي مات البارح الأربعاء 19 نونبر في الصباح، من بعدما طاح بشكل مفاجئ من واحد المنحدر خطير فجبل توبقال، منين كان داير جولة استكشافية رفقة صحابو.

المصادر نفسها قالت إن السائح كان فواحد الرحلة جبلية باش يكتاشف الطبيعة فالأطلس الكبير نواحي إقليم الحوز، قبل ما يفقد توازنه ويطيح أثناء صعود الجبل، الشي اللي تسبب ليه فالموت فالبلاصة.

السلطات منين وصلها الخبر، تحركت عناصر الدرك الملكي للمكان، وبمساعدة بعض المرشدين السياحيين ديال المنطقة تمكنوا من الوصول لموقع الحادث.

وتم انتشال الجثة ونقلها لمستودع الأموات، وفتحات المصالح المختصة تحقيق رسمي باش تعرف تفاصيل وملابسات هاد الحادث المحزن.