كود سبور//

كايحاول الالماني جوزيف زينباور يقنع الرجاء الرياضي انهم يتفارقو معه بالتراضي، باش يمشي الوحدة السعودي.

وحسب مصادر مطلعة، فالألماني جوزيف زينباور بغا يقترح على مسؤولين الرجاء باش يخرج معهم باتفاق للفراق بالتراضي بلاما يخلص 220 مليون سنتيم قيمة فسخ العقد، ويمشي للوحدة السعودي.

المسؤولين ديال الرجاء الرياضي متشبثين بالقرار ديالهم، وهو اما أن زينباور يرجع يدرب الفريق، او يمشي بحالو مقابل انه يخلص 220 مليون سنتيم قيمة الشرط الجزائي لفسخ العقد بين الطرفين من جانب واحد، واذا ما رجعش للمغرب غدا الثلاثاء باش يكمل خدمتو وفق العقد اللي عندو مع الرجا واللي فيه موسم آخر، غايطبقو معه القانون.