كود سبور//

عبر الألماني جوزيف زينباور مدرب الرجاء الرياضي على الفرحة ديالو حيث تأهل إلى ربع نهائي كأس العرش بعدما ربح شباب المحمدية فثمن النهائي، وأكد أن الماتش ما كانش ساهل والفريق الأخضر ما دارش مباراة مزيانة ولكن المهم هو الرباح والتأهل.

وبعدما ربحو الرجاء شباب المحمدية بواحد لزيرو قال جوزيف زينباو مدرب الخضرا: “الماتشات ديال الكأس ديما صعاب والخصم كان قاصح وخشن، لعبنا بالأسلوب ديالنا وكنا مزيانين ولكن فاللمسات الأخيرة والتسديد ما كناش مزيانين وفالقرارات ما كناش حاسمين، والمهم فيحال هاد الماتشات هي النتيجة وهذا ماشي أحسن ماتش بالنسبة لنا”.

وكمل زينباور: “اللاعبين مقدم ومبارك وكامارا لعبو مزيان وربحو الثنائيات، وكنشكر الجمهور ديالنا على الدعم ديالهم لنا فالتيران وكنا فرحانين حيث جاو بعض منهم للتيران مبروك علينا ودابا غنركزو على الماتش الجاي وعلى ربع النهائي، ونوجدو البطولة وكأس العرش بجوج”.