كود بوزنيقة//

اسطورة كرة القدم الفرنسية والعالمية كلاعب وكمدرب زين الدين زيدان ناشط فالمغرب. حضر لماتش ولدو =حارس مرمى المنتخب الجزائري= فسطاد مولاي الحسن ول البارح لاربعا بالرباط.

“كود” شاهدات زيزو مع مراتو وجوج من ولادو وجوج صحابهم فاوطيل ببوزنيقة ظهر ونامس الخميس 25 دجنبر 2025. زيدان كان كيتغذى بكارباتشو ديال اللحم وبيدزا مارگاريطا، كان ناشط مع كليبو الصغيور

كان فجو عائلي ترانكيل گالس زيدان حداه ملاعب الگولف ايلى عاوناتو احوال الجو يضرب ليه شي كويرات. فهاد لوطيل ختار الاقامة بعيد على كلشي.

ما قرب ليه الا معجب واحد طلب الاذن قبل ما يجي يتصور معاه. رحب النجم العالمي والمدرب الشهير لريال مدريد وتصور معاه المعجب ومشى.

زيدان مدوز ايام زوينة. حرص تكون احتفالات عياد الميلاد مع العائلة بما فيهم ولدو الثالث حارس المنتخب الجزائري. زيزو كيعرف مراكش ولكن هادي مناسبة كتاشف فيها الرباط