الرئيسية > آش واقع > محاكمة بوعشرين. دفاع المشتكيات بغا يحگر على زيان وهو ينوض ليهم وبهدلهوم
09/04/2019 18:45 آش واقع

محاكمة بوعشرين. دفاع المشتكيات بغا يحگر على زيان وهو ينوض ليهم وبهدلهوم

محاكمة بوعشرين. دفاع المشتكيات بغا يحگر على زيان وهو ينوض ليهم وبهدلهوم

يونس أفطيط – كود///

المحامي محمد زيان، هو أحد أكثر المحامين اللي كيتسبب فمشاحنات ولو تحدث بلغة القانون.

هادشي لي وقع اليوم فمحكمة الاستئناف بالدار البيضاء، في أولى جلسات إستئناف محاكمة توفيق بوعشرين.

زيان كان كيهضر على الاعتقال التعسفي وكيفاش المحكمة الدستورية ملي مشاو عندها الدفاع، باش تفصل فقضية اعتقال بوعشرين تعسفيا قالت ليهم أنها مكتقبلش لحدود الساعة شكاوي المواطنين بسبب عدم تنزيل القانون المنظم، هادشي خلا دفاع المشتكيات ينوض ويبدا يغوت حقاش خاصهوم يأجلوا الجلسة.

زيان ماعجبوش الحال والقاضي طبعا جا من جيهتو، وسكت دفاع المشتكيات ليستأنف زيان كلمته بالقول ” كنتفهم الزملاء حقاش بنادم ملي كيتسالاو ليه كيقلبها للغوات”، وناضت تقربلات ثاني.

وقررت الهيئة تأجيل المحاكمة ل26 أبريل الجاري لبداية الدفوع الشكلية.

موضوعات أخرى

22/04/2019 09:30

الحكومة باغية تسالي الحوار الاجتماعي قبل فاتح ماي.. الكاتب العام لنقابة السي دي تي لـ”كود”: جاوبنا الداخلية ووصلنا لشي أمور مقبولة