كود سبور//

ناض تاني الدولي المغربي حكيم زياش يخلق الجدل، اللي موالف يدير ملي كايكون المنتخب المغربي لاعب شي ماتش، ملي ما بقاش كايعيط له الناخب الوطني وليد الركراكي.

وبعدما لعب المنتخب الوطني المغربي ضد النيجر،البارح الجمعة ضمن اقصائيات كاس العالم 2026، بنتيجة 2 لواحد والاقتراب من التأهل إلى المونديال، خرج حكيم زياش ونشر تدوينة مثيرة للجدل على إنستغرام، وقال: “غايحتاجوك مرة اخرى، غير ما تنساش كيفاش قولبوك”.

وكاتطرح تدوينة حكيم زياش، عواد تأتي علامات استفهام على مال حكيم زياش مع المنتخب المغربي، حيث كل مرة كايكون المغرب لاعب كايدير شي تدوينة ولا سطوري بحال هاكدا، مع العلم ان وليد الركراكي قال مؤخرا ان ليكيب ناسيونال محتاجين لزيال، والشرط الوحيد باش يرجع هو يرجّع النيفو ديالو.