كود سبور//

حكيم زياش، لاعب المنتخب، عاوتاني نتاقدوه بعدما مالعبش مزيان مع فريقو تشيلسي الإنجليزي، اللي خسر، الأربعاء، ضد فريق جوفنتوس الإيطالي، برسم المرحلة الثانية من مباريات المجموعة الثامنة ضمن منافسات دوري أبطال أوروبا.

وغير توماس توخيل، مدرب تشيلسي، زياش بعد 62 دقيقة من الماتش، بعدما ماشكل حتى خطورة على الفرة الاخرى، وبان بحالا تالف ف التيران.

شي وحدين قالو ان سبب هاد التراجع ديال زياش هو طريقة توخيل براسو، واخرين قالو ان هادشي تقصير من اللعاب.