الرئيسية > كود سبور > زياش جا مضروب للمنتخب وخاليلوزيتش كيستنا تقرير الطيب.. درار غادي يدير العملية
08/10/2019 13:50 كود سبور

زياش جا مضروب للمنتخب وخاليلوزيتش كيستنا تقرير الطيب.. درار غادي يدير العملية

زياش جا مضروب للمنتخب وخاليلوزيتش كيستنا تقرير الطيب.. درار غادي يدير العملية

كود سبور//

حكيم زياش نجم المنتخب المغربي وأجاكس أمستردام الهولندي جا مضروب البارح الاثنين للكونصونتراسيون ديال المنتخب فالرباط، استعدادا الماتش كونتر ليبيا نهار الجمعة جاية ضمن استعدادات أسود الأطلس للاستحقاقات القادمة.

زياش تضرب فالماتش ديال فرقتو أجاكس أمستردام مع دين هاگ فالإرديفيزي نهار الأحد لي فات، وخرج فالدقيقة الأخيرة.

ورغم تعرض زياش للإصابة،إلا أنه بغا يجي للكونصونتراسيون، باش يكون حاضر ضد ليبيا، خصوصا أن هاد الماتش غادي يتلعب فالشرق، لي كينتمي ليه نجم أجاكس الهولندي.

وحيد خاليلوزيتش طلب من الطبيب ديال المنتخب يدير ليه الراديو باش يعرف واش يقدر يلعب الماتش الأول ضد ليبيا أو يكون واجد لماتش الگابون، أو ما يكونش واجد فيهم بجوج.

مصدر قريب من المنتخب أكد ل”كود”، أن زياش باغي يلعب الماتش ليبيا ويقدر يدير حصة تدريبية خفيفة هاد العشية باش يعرف واش قادر يلعب أو لا.

بزاف ديال اللعابة تضربو قبل ما يجيوا المنتخب المغربي، من بينهم غانم سايس، لي ماجاش گاع وبقا مع فرقتو كايداوا، بعدما خاد ضربة خايبة كونتر مانشستر سيتي، وعادل تاعرابت عندو ضربة خفيفة، ونبيل درار، لي غادي يدير عملية جراحية على ركبتو فهاد ليامات.

درار سبق ليه كان هو الكابيتان فالماتش ديال المنتخب المغربي وبوركينافاسو نهار 6 فشتنبر الماضي بملعب مراكش، وسالا بواحد لواحد.

موضوعات أخرى