وكالات//

تحوّلات زيارة رئيس موزمبيق دانيال تشابو لإيطاليا، اللي كانت مبرمجة تناقش بزاف ديال الملفات، لموضوع ديال الضحك والسخرية فمواقع التواصل الاجتماعي، بسبب الفرق الكبير فالقامة اللي بان واضح بينو وبين رئيسة الحكومة الطاليانية جورجيا ميلوني.

ومنين استقبلات ميلوني دانيال تشابو، شدّ الانتباه قدّام الكاميرات التفاوت الكبير فالطول بيناتهم، وولات لقطات المصافحة والاستقبال الرسمي هي اللي دايرة الضجة، أكثر من العناوين السياسية.

ورغم أن طول ميلوني ما كيتعدّاش 1.58 متر، إلا أن الرئيس تشابو، اللي عندو 48 عام، معروف بطول لافت كيوصل لـ 2.04 متر. ومع توثيق مشاهد الاستقبال، بان شوية ديال الارتباك والإحراج على ميلوني، وهاد الاستقبال السياسي خلق تفاعل كبير فالسوشيال ميديا.

وما وقفش الأمر غير عند مواقع التواصل، حتى الصحافيين عانَاو وهم كياخدو تصاور كتجمع تشابو وميلوني، حيث اضطرو شي واحدين ينحنيو، وشي آخرين يتمددو فالأرض باش يضبطو اللقطة، وهاد الشي خلا الاستقبال كامل مادة دسمة للتعليقات والضحك.