كود – كازا //

قال موقع التلفزيون الإسباني الرسمي، أن رئيس الحكومة المحلية ديال أرخبيل الكناري، أنخيل فيكتور توريس، غادي يزور المغرب ف 15 مارس الحالي، وغادي يرافقو وفد مهم مكون من رجال أعمال ووزراء الاقتصاد والتعليم والبيئة ومكافحة التغير المناخي والتخطيط الإقليمي. هاذ الشي تعلن عليه من طرف الناطق الرسمي للحكومة، البارح الخميس.

الزيارة كانت مقررة ف الشهر الفايت، لكن تم تأجيلها بسباب “تعديل جدول الأعمال” مع الرباط، ومن المرتقب باش غادي يتركز فيها على الجانب الاقتصادي والتجاري وأن جدول الأعمال المؤسسي غادي يتناول القضايا اللي تقع ضمن اختصاص الحكومة المحلية للأرخبيل.

Torres viajará a Marruecos el 15 de marzo con Máñez y Valbuena