عمـر المزيـن – كود الرباط//

تستعد العاصمة الرباط لاستقبال أمير أوحنا رئيس الكنيست الإسرائيلي. هاد الزيارة كانت مبرمجة يوم غد الثلاثاء وكان مقرر يحضر لحفل سيقام بالمناسبة ديال ذكرى تأسيس إسرائيل لكن تقرر في آخر لحظة تأجيل الزيارة لليوم الموالي اللي هو يوم الأربعاء.

وحسب المعلومات التي حصلت عليها “كود”، فإن الترتيبات واجدة لهاد الزيارة التاريخية التي سيقوم بها رئيس الكنيست الإسرائيلي، إذ حلت اليوم الثلاثاء مستشارة ديالو إلى الرباط من أصول مغربية، ومشات لمكتب الاتصال لإجراء لقاء مع عدد من المسؤولين تما، وعلى رأسهم السفير شاي كوهين.

وقالت مصادر “كود” أن رئيس الكنيست (البرلمان الإسرائيلي) اللي غادي يجي نهار الأربعاء 7 يونيو الجاري غادي يكون معاه وفد رفيع من الكنيست، وكيف قالت “كود” في مقال سابق غادي يكون عندو لقاء مع رئيس البرلمان المغربي وغادي يعطي موقف واضح على القضية الوطنية.