وكالات //

ربحات مرا ميركانية من ولاية ميريلاند جوج مرات فالقمار وبنفس الرقم نيت، والفرق ما بين المرة اللولة والثانية غير شهرين.

موقع “يو بي آي” الإخباري قال بللي مرا عمرها 51 عام، من سكان ولاية ميريلاند ربحات 31 ألف دولار فسباق العودان فاللوطري، وعاودات لعبات بنفس الأرقام وربحات نفس المبلغ تقريبا للمرة الثانية.

وقالت السيدة فتصريحات صحفية بللي دازت شي سيمانات على المرا اللولة اللي ربحات فيها، وقالت مع راسها بللي خاصها تعاود تقمر من جديد وتجرب حضها بنفس الأرقام، وهادشي اللي صدق مربحها عاوتاني.

هاد المرا قمرات فالمرات بجوج بأرقام 11/10/12، وبالزهر اللي عندها صدقات مدخلة العاقة مزيان.