10/06/2023 07:00
بنت صغيرة فالشينوا حولات حياة عائلتها لكوشمار.. خسرات كَاع فلوسهم فألعاب الفيديو
كود عن ار ام سي ///
كشفات “ار ام سي” عن فضيحة بطلها لاعب الاسود زكريا ابو خلال. الفيلم بدا فاحتفالات مدينة تولوز الفرنسية بفوز ناديها بكأس فرنسا ف30 ابريل اللي فات.
بحال اي احتفال٬ هدر العمدة وهدر المدرب٬ لكن باش كان فيليب مونتانيي مدرب النادي كيقول كلمتو٬ كان الصداع فجهة اللعابة٬ لورانس اريباجي مساعدة العمدة المكلفة بالرياضة بعمودية تولوز دارت وقالت للعابة شوية الهدوء٬ هنا رد عليها٬ حسب “ار ام سي” ابو خلال “عندي فالدار لعيالات ما كيهدروش بحال هاكا مع الرجالة”. المنتخبة ردات عليه باللي كاين ف”بلاصة الجمهورية”
واضافت “ار ام سي” ان ابو خلال جا عند المنتخبة وطلب منها تعتاذر. القناة والاذاعة الرياضية اكدات باللي نادي “تولوز” فراسو هاد الشي وما عاقبش اللعاب المغربي ولعب مع “اجاكسيو” ومع لانس.
الويكاند اللي فات كان ابو خلال رفض يلعب٬ بحال جوج لعابة خراين٬ ضد نانت لان التوني كان فيه الوان قوس قزح بمناسبة يوم لدعم المثلية وضد اشكال الحيف والاقصاءاللي كيتعرضو ليه.
دابا النادي اليوم عاد تحرك. حتى ناض الصداع وخرجات “ار ام سي” لخبار. قرار النادي هو يبعد ابو خلال من التداريب حتى يشوف اش وقع. دابا كاين تحقيق داخلي اللي جا معطل.
