گود سبور//

دخل زكرياء عبوب مدرب أولمبيك آسفي للسبيطار فالرباط، وهذا الشي قبل وقت قليل من ماتش الفريق ضد الفتح الرياضي اللي ملعوب اليوم الثلاثاء، فتيران مولاي الحسن فالرباط ضمن الدورة 18 من البطولة الاحترافية لكرة القدم.

وكشفت مصادر “گود”، أن الإطار الوطني زكرياء عبوب جاتو كريز مفاجئة، فالفندق اللي گالسين فيه أولمبيك آسفي فالرباط وهزوه للسبيطار، وتبين أنه عندو لاگريب مجهد ودابا راه كاين تحت العناية الطبية، ولكن ما غيكونش حاضر فماتش أولمبيك آسفي ضد الفتح الرياضي.