وكالات//

علنات وكالة الأنباء المركزية الكورية، أن الزعيم ديال كوريا الشمالية كيم جونغ أون وبنتو جو إي حضرو احتفالات العام الجديد لي كان فيها إطلاق ألعاب نارية وعرض ديال الرقص على الثلج.

وبينات صور نشراتها وسائل إعلام رسمية، المشاركة ديال مسؤولين كوريين شماليين كبار في المشاهدة ديال هاد الاحتفالات، في الوقت لي ماهضرو فيه على حتى شي خطاب دارو الزعيم كيم.

في اليوم لي قبل منو، قالت وكالة الأنباء المركزية الكورية أن كيم تعهد بأنه غادي يرسخ الشراكة الاستراتيجية الشاملة للبلاد ديالو مع روسيا في رسالة سيفطها للرئيس الروسي فلاديمير بوتين.

وزاد قال كيم في نفس الرسالة أنه “كيتمنى العام الجديد 2025 يكون عام ديال النصر  فين غادي يربح الجيش والشعب الروسي النازية الجديدة ويحقق نصر عظيم”.