كود سبور//

اكد نوفال زرهوني لاعب الرجاء الرياضي ان مرتو وبنوت بخير ولكن خت مراتو هي اللي تصابت خلال حادث اعتداء مجهولين بالحجر على جماهير الرجا، بعدما سالا ماتش دومي فينال كاس العرش مع مولودية وجدة فأكادير البارح الثلاثاء.

وخرج نوفال زرهوني على إنستغرام وحط سطوري قال فيه: “ابنتي و زوجتي بخير، را کنلعبو غير كورة ماشي فحرب أخت الزوجة هي اللي ضرباتها الحجرة على مستوى الكتف و كادت أن تصيب الابنة لولا الأقدار نسأل الله الشفاء العاجل لها و لجميع من تعرضوا لهاته الاعتداءات البشعة شكرا لكل من سأل عني و عن عائلتي الصغيرة”.

وتعرض عدد من جماهير الرجاء الرياضي للرشق بالحجارة وهما خارجين من تيران اكادير، من طرف محسوبين على جمهور حسنية اكادير اللي ماشي طرف أصلا فالماتش، واعلنت السلطات انها شدات 17 واحد فهاد احداث الشغب.