وكالات//
دخـلات الفنانة الافتراضية “زانيـا مونيـه” التاريخ كأول مغنية مدعومة بالذكاء الاصطناعي كتتصدر قوائم “بيلبورد”، بعدما حققات نسب بث كبيرة خلات صانعي الموسيقى فالعالم كامل ينتابهو ليها.
مجلة “بيلبورد” قالت بأن مونيه من بعد ما خرجات أول أغنية ديالها فصيف 2025، قدرات تدخل بزاف ديال القوائم الموسيقية. وهاد النجاح خلا شركة “هالوود ميديا” تتعاقد معاها فصفقة كبيرة بالملايين، بعد منافسة قوية بين شركات الإنتاج.
اللي صمم زانيـا مونيه هي الشاعرة الأمريكية تيليشا نيكي جونز، باستعمال برنامج توليد الموسيقى “سونو (Sono)، وقدّموها كمغنية R&B عصرية بأسلوب واقعي ولمسة روحية.
وعندها أكثر من 146 ألف متابع فـ”إنستغرام”، وهاد الشي كيبين كيفاش الجمهور ولى كيتقبل الفنانين الافتراضيين، رغم الجدل اللي كاين عليهم.
ورغم أن بزاف كيصفو الصوت ديالها بـ”السلس والعميق”، مدير أعمالها روميل مورفي وضّح أن الهدف من المشروع ماشي هو تعويض الفنانين الحقيقيين، ولكن توسيع مجالات الإبداع الفني.
وقال لموقع: الذكاء الاصطناعي ما كينقصش من التجربة الإنسانية، بالعكس كيفتح أبواب جديدة فالموسيقى.”
غير أن الصعود ديال مونيه خلق شوية ديال القلق عند بعض الفنانين التقليديين، بحال المغنية كيهلاني، اللي قالت بأن ظهور فنان افتراضي كيوصل لملايين المشاهدات ماشي عادل مقارنة بالمجهود اللي كيديروه الفنانين الحقيقيين.
موضوعات أخرى
إصابة بزاف د الناس فشوتينگ فجامعة براون فمريكان – فيديو
