الرئيسية > تبركيك > زادو فثمن الكاس بلا خبار الكليان.. قهوة مشهورة تضربات بمليون ديال الخطية 
21/05/2022 03:00 تبركيك

زادو فثمن الكاس بلا خبار الكليان.. قهوة مشهورة تضربات بمليون ديال الخطية 

زادو فثمن الكاس بلا خبار الكليان.. قهوة مشهورة تضربات بمليون ديال الخطية 

وكالات //

السلطات فالطاليان فرضات خطية وصلات ل1000 أورو على مول قهوة “Ditta Artigianale” فمدينة فلورنسا، عاصمة إقليم توسكانا، بسباب كاس ديال إسبريسو.

جورنال “The Guardian” البريطاني قال أن الكليان خلص 2 أورو عوض أورو واحد مقابل الكاس اللي شرب، وهو الثمن اللي شافو محدد ومكتوب فلاليست اللي معلقة، ولكن قالو ليه فالمحل بللي راه الأثمنة تزادت غير مزال ماكتبوهاش، ومن بعد احتجاجو وسط القهوة ناض اتاصل بالبوليس وعاود ليهم أشنو وقع.

مول القهوة، فرانشيسكو سانابو، ما عقلوش عليه البوليس، وخا الكاليتي ديال القهوة عندو مزيانة، والمحل مشهور فالطاليان كاملة وفايت ليه رابح جوائز فالضومين، زائد أنه (فرانشيسكو) عيا ما يفسر ويبرر الخطأ ديالو، ولكن فاللخر دارو معاه اللازم وطبقو عليه القانون لأنه زاد فالثمن بلا ما يدير لاميزاجور للاليست ديال الأسعار المعروضة للكليان.

موضوعات أخرى

24/06/2022 21:40

الأحرار دار بيان تحطات فيه النقاط على الحروف فأحداث مليلية الخطيرة.. تضامن مع الضحايا والجرحى وتنويه بمهنية القوات العمومية وتأكيد على الاعتزاز بالشراكة بين المغرب وإسبانيا

24/06/2022 20:00

فوقت الأزمة. لجنة إقليمية لقات 390 ليترو ديال الزيت بيريمي فدار الطالبة فالرحامنة.. المكتب المسير السابق خلاها فالسطوك حتى خسرات واللجنة حيداتها