وكالات//
سرق واحد الريسطو طالياني جديد الأضواء بعدما دار MENU خاص بالكلاب.
هاد الريستو كاين فروما، بالضبط في حي مونتي ميلفيو، وسميتو “فيوتو”، وأول حاجة كترد ليها البال منين كتطل عليه ولا كتدخل ليه هي العدد الكبير ديال الكلاب.
ماشي غير هادشي، هاد الريسطو كيعطي الإمكانية للكلاب أنهم يجلسو حدا ماليهم بحال بنادم.
كيقتارح هاد المطعم على الكليان ديالو من الكلاب مجموعة ديال الأنواع ديال الماكلة بحال الحوت والدجاج المطحون والخضرة والريكوتا والكرعة، وحتى المشروبات خاصة عصير التفاح والبتيخ.
كيقول مول الريسطو لي تحل هادي شهر تقريبا أن هاد الماكلة جات بعد واحد الدراسة دراوها باش يعرفو شناهي أحسن حاجة كتعجب الكلاب.
