كريم الصوفي – كود//
[email protected]

بوليسيين دارو راسهم خدامين حد الگرياج الحدودي بين سبتة والمغرب قدرو يفكو ريزو استغل طائرات بدون طيار (درون)  ف تهريب الاقراص المخدرة من سبتة للمغرب. هاذ الشي طرا ف اليومين الفايتة والبوليس قدرو ايضا يحجزو شحنة المخدرات اللي كانو كيتسناوها المتهمين اللي تشدو.

وقالت تقرير اعلامية، أن هاذ العملية جات بعد شهور من الرصد والمتابعة حول ريزو كيضم مغاربة وصبليونيين كيهربو المؤثرات العقلية من سبتة في اتجاه المغرب بواسطة هاذ التقنية ديال الدرون واللي ولاو كيخدمو بيه بزاف بسبب استمرار إغلاق المعابر البرية بين البلدين.

وف يوليوز 2021، ضبطو بوليس الصبليون طائرة بدون طيار ” “ناركودرون”” كيبلغ العرض ديالها 5 مترو ، و7 ساعات من الطيران الذاتي والقدرة على نقل ما يصل إلى 150 كيلوغرامًا من المخدرات في كل رحلة بين ضفتي المضيق إلى الجانب الآخر. كما اكتشف الحرس المدني ف فبراير 2021، مخطط ديال تهريب المخدرات والهواتف عبر الدرونات لداخل الحبس وتم فرض اجراءات أمنية مشددة لمنع إدخال الحشيش والحبوب والهواتف المحمولة وتم تعزيز الحبس بعناصر أمنية اضافية وكاميرات للرصد الليلي لكشف الطائرات بدون طيار، لكن هاذ الشي ما نفع بوالو..

Agentes marroquíes ‘camuflados’ interceptan pastillas enviadas con un dron