الرئيسية > كود-تيفي > ريدوان: غادي نبيع التهنئة ديالي ماشي على قبل الفلوس ولكن باش نحقق أمنيات الناس
25/07/2020 19:00 كود-تيفي

ريدوان: غادي نبيع التهنئة ديالي ماشي على قبل الفلوس ولكن باش نحقق أمنيات الناس

ريدوان: غادي نبيع التهنئة ديالي ماشي على قبل الفلوس ولكن باش نحقق أمنيات الناس

نجوى المالحي- كود//

من بعد الجدل لي أثارو موضوع التهئنات بالفلوس على مواقع التواصل الاجتماعي، خرج المنتج المغربي ريدوان باش يفسر السبب لي خلاه يلتجئ لهاد الطريقة.

رضوان قال في حوار مع زهرة الخليج ان الفكرة لي خلاتو يشارك في الموقع ماشي حاجتو لفلوس ولكن باش يقدر يحقق بعض الأمنيات ديال الناس لي كتبغي إهداءات خاصة من نجوم عزاز عليها، وهادشي ما كيعنيش شي حاجة خايبة.

الموقع لي سميتو “starzly” ولي شرف على الإطلاق ديالو ريدوان من الإمارات قال أن الأرباح ديالو غادي تتخصص لأعمال خيرية، في المقابل غادي يكون تقصير للمسافة بين الجمهور والمعجبين.

موضوع الموقع كان نوض جدل كبير خصوصا ان بزاف ديال الناس غادي يستغلوه باش يبينو علاقة القرب ديالهم بنجوم كبار، وهادشي لي دارت فاتي جمالي، لي طلبت تهنئة من ممثل إيطالي مشهور، وقال ليها فيها صوتك زوين بقاي كتغني.

.

موضوعات أخرى