وكالات//

معروف في العالم أن فاكهة دوريان الاستوائية ممنوع تسافر بها حيت فيها واحد ريحة خانزة ومجهدة لدرجة كتجيب السخفة.

شي مسافر غادي من تركيا للصبنيول دارها معاه في صاك، وشوية عطات الريحة، وهادشي لي خلا البيلوط يدير دومي تور ورجع لتركيا باش يديروه تفتيش، حيت الريحة كتضر في الخاطر.

هاد الفاكهة المذاق ديالها زوين وفوائدها كبيرة وكثيرة لكن رائحتها قاصحة بزاف وكتجيب السخفة.

البوليس والسلطات في آسيا دايرينها في لائحة الممنوعات لي ممكن يطلعها معاه الواحد للطيارة، وأي واحد خالف القانون كيتعاقب بالغرامة.