گود سبور//

كايتسنا جمهور كرة القدم فالعالم، شنو غايريه فكلاسيكو فينال كاس ملك إسبانيا ضد البارصا، اليوم السبت واش غايلعبو ريال مدريد ولا غايقاطعوه احتجاجا على حكم الماتش.

وبعدما قاطعو ريال مدريد المؤتمر الصحافي ديال نهائي كاس ملك اسبانيا، البارح الجمعة احتجاجا على تعيين الحكم بورجوس لقيادة النهائي، كاينة مخاوف من مقاطعة الفريق حتى للماتش، واخا ريال مدريد نشرو بلاغ البارح الجمعة بالليل اكدو فيه انهم ما غايقاطعوش الفينال احتراما للمسابقة وللمشجعين والجمهور اللي باغي يتفرج.

ونشرت جريدة AS فيديو قبل لحظات من صباح اليوم السبت، فيديو ديال كار ريال مدريد اللي بداو كايركبو فيه عناصر من الفريق استعدادا للتنقل إلى إشبيلية اللي ملعوب فيها الفينال، فالوقت اللي وصلو فيه اللاعبين البارح السبت لإشبيلية.

وبدا الحكم بورجوس كايبكي البارح الجمعة فالمؤتمر الصحافي، وكايقول ان اتهامات ريال مدريد له اثرت عليه وعلى عائلتو، وان ولدو عيروه فالمدرسة وقالو له باباك شفار، فالوقت اللي ريال مدريد خرجو بلاغ كايطاليو فيه الاتحاد الإسباني بإستبعاد الحكم من الفينال ويبدلوه بحكم آخر.