كود سبور//

تراجع ريال مدريد الإسباني عن التفكير في اعادة الدولي المغربي اشرف حكيمي للصفوف ديالو، باش يكون هو الظهير الايمن اللي غاياخد بلاصة داني كارفاخال خلال السنوات المقبلة.

وحسب جريدة AS الإسبانية، نسبة رجوع أشرف حكيمي إلى ريال مدريد تراجعت، وهذا الشي بسبب اقتراب النجم المغربي من تجديد العقد ديالو باريس سان جرمان الفرنسي اللي غايسالي صيف 2025، ولكن ضغط الفرنسي وتوصلهم مع حكيمي إلى تقارب من اجل التمديد، خلى ريال مدريد يقلب على خيار آخر، وهو اللي قريب دابا من الفريق الاسباني، والأمر كايتعلق بالنگليزي ألكسندر أرنولد لاعب ليفربول النگليزي.

ووضحت الجريدة الإسبانية، أن ريال مدريد ما باغينش يسنيو مع شي ظهير أيمن فالميركاتو الشتوي الجوي الجاي، واخا الاصابة اللي تعرض لها داني كارفاخال وتسببت له فنهاية الموسم، وكايتسناو الموسم الجاي يسالي باش فالصيف يسنيو مع ألكسند أرنولد اللي غايسالي العقد ديالو مع ليفربول مع نهاية الموسم المقبل.