گود سبور//

يقدر يرجع البرتغالي جوزي مورينيو يدرب ريال مدريد الإسباني، خلال المرحلة المقبلة.

وحسب الإعلامي الطالياني فابريزيو رومانو المتخصص فصفقات اللاعبين والمدربين والأندية فأوروبا، فريال مدريد كايدرسو دابا 4 المدربين باش يسنيو مع واحد فيهم يدرب الفريق ابتداء من الموسم الجاي.

وحسب نفس المصدر، فمن بين هاد المدربين كاين البرتغالي جوزي مورينيو اللي فايت له درب ريال مدريد ففترة سابقة وحقق معهم ألقاب، مع العلم أن مورينيو كايدرب دابا بنفيكا البرتغالي.