كود سبور//

ضربة قوية جديدة تلقاها ريال مدريد الإسباني، بإصابة جديدة لجوج لاعبين من ركائز الفريق، هما الإسباني داني كارفاخال والبرازيلي فينيسيوس جونيور، اللي توعتو فالماتش البارح السبت ضد فياريال ضمن منافسات بطولة الصبليون، وتزادو على لائحة المصابين بالفريق مع بداية هذا الموسم واللي على رأسهم النجم المغربي براهيم دياز.

وكشف ريال مدريد صباح اليوم الأحد على الحالة الصحية ديال الكابيتان داني كارفاخال، اللي أكدت الفحوصات الطبية أن عندو  قطع في الرباط الصليبي الأمامي، وتمزق في الرباط الجانبي الخارجي، وتمزق في الوتر المأبضي في ساقه اليمنى، وحسب النادي الإسباني، فاللاعب غايدير عملية جراحية فالأيام المقبلة.

أما بالنسبة للمهاجم البرازيلي فينيسيوس جونيور، وضح ريال مدريد أن الفحوصات الطبية اللي تدارت للاعب بينت انه موعت فالعنق ديالو، دون ما يكشف النادي شحال غايغيب على الفريق.