كود سبور//
أكد الإعلامي الطالياني فابريسيو رومانو أن صفقة انتقال المغربي الشاب عبد الله وزان إلى ريال مدريد الإسباني تحسمت.
ووضح نفس المصدر، أن ريال مدريد توصلو بالفعل إلى اتفاق مع عبد الله وزان، وغايسنيو معه فشهر يوليوز المقبل، أي بعدما يسالي العقد ديالو مع اياكس أمستردام الهولندي يوم 30 يونيو الجاري.
حسب نفس المصدر، فعبد الله وزان مول 17 عام، غايلعب مع ليسبوار ديال ريال مدريد خلال الموسم المقبل.
وحاولو اياكس امستردام تجديد العقد ديالهم مع عبد وزان باش يستافدو ماليا حيث غايسالي معهم مع نهاية هذا الموسم، ولكن هو رفض وما بغاش حيث عينو فريال مدريد.
