گود سبور//

دار المدافع البرازيلي ايدر ميليتاو لاعب ريال مدريد عملية جراحية بسبب إصابة تعرض لها، فالوقت اللي كشفت تقارير إعلامية إسبانية وبرازيلية، أه ما غاديش يشارك فمونديال 2026.

وأعلن ريال مدريد قبل لحظات من ظهر اليوم الثلاثاء، أن إيدر ميليتاو دار اليومعملية جراحية ناجحة لعلاج الديشيرور اللي جاه فالفخذ ديال رجليه ليسريا.

ريال مدريد قالو إن اللاعب البرازيلي غادي يبدا برنامج إعادة التأهيل خلال الأيام اللي جايا، وما قالوش واش غادي يشارك فمونديال 2026 ولا صافي غادي يتحرم منو، ولكن راه صعيب يكون حاضر فكأس العالم اللي مازال له غير شهر ونص.

وتعتبر إصابة ايدر ميليتاو ضربة قاصحة للمنتخب البرازيلي، حيث اللاعب هو عنصر مهمة فالمنظومة الدفاعية ديالو، وهذا الشي قبل مواجهة المغرب فالجولة الاولى من دور مجموعات كاس العالم 2026.