كود سبور//

توج ريال مدريد الإسباني بلقب كأس السوبر الأوروبي، للمرة 11 فالتاريخ ديالو، وربح النجم الفرنسي أول لقب له مع الفريق بعدما ربحو أتلانتا الإيطالي اليوم الأربعاء فالعاصمة البولندية وارسو.

وسالا الماتش بين ريال مدريد وأتلانتا بنتيجة 2 لزيرو لمصلحة الفريق الإسباني، وتسناو ريال مدريد حتى الشوط الثاني عاد قدرو يوصلو لمرمى أتلانتا بواسطة الأوروگواياني فالفيردي اللي ماركا الهدف الأول فالدقيقة 59، والنجم الفرنسي كيليان مبابي سجل الهدف الثاني فالدقيقة 68، وهو أول هدف له فأول ماتش رسمي كايلعبو مع ريال مدريد.

وعرف ماتش الفينال بين ريال مدريد وأتلانتا مشاركة النجم المغربي براهيم دياز، اللي كان احتياطي ودخل يلعب فالشوط الثاني وبالضبط فالدقيقة 83 بلاصة كيليان مبابي، وهذا ثالث لقب للنجم المغربي مع الفريق الإسباني.

وبهذه النتيجة توج ريال مدريد بطل دوري أبطال أوروبا بلقب كأس السوبر الأوروبي للمرة 11 فتاريخو، أما أتلانتا الإيطالي بطل اليوروبا ليگ ما قدرش هذه المرة يخلق المفاجأة.