كود سبور//
نفى ريال مدريد الإسباني رحيل الرئيس ديالو فلورنتينو بيريز عن رئاسة النادي، وأكد أن هذا الشي غير كذوب.
وخرج ريال مدريد ببلاغ رد فيه على إشاعات راجت على وسائل التواصل الاجتماعي كتقول أن الرئيس فلورنتينو بيريز كيفكر فالتنحي عن رئاسة النادي، واعتبرها إشاعات كاذبة وما عندها علاقة بالواقع.
وكيتعتبر فلورنتينو بيريز، أسطورة ديال تسيير الأندية على مستوى العالم وماشي غير فريال مدريد، وهو الرئيس التاريخي للفريق من جميع النواحي سوا الألقاب اللي ربحها ريال مدريد معه خلال مرحلتين من التسيير ديالو للنادي، أو الأساطير د الكرة اللي جابهم لعبو بالتوني ديالو.