كود سبور//

حاطين ريال مدريد الإسباني عينيهم على النجم المغربي الشاب عبد الله وزان لاعب اياكس أمستردام الهولندي.

وحسب الإعلامي الإسباني “رودرا”، اللي كشف الموضوع من خلال تغريدة على تطبيق X فريال مدريد مهتمين بزاف بعبد الله وزان مول الـ16 عام، وبداو اتصالاتهم بالفريق ديالو اياكس أمستردام الهولندي، وان الفريق الإسباني باغي يحسم الصفقة.

ويعتبر عبد الله وزان من العناصر الأساسية للمنتخب الوطني المغربي لاقل من 17 عام، ومن اللاعبين اللي ساهمو بشكل مباشر فتحقيق لقب كاس افريقيا مؤخرا، وتألق فالبطولة على مستوى وسط التيران، وهذا الشي خلى اندية أوروبية كبيرة تبعو بحال البارصا وباريس سان جيرمان إلى جانب ريال مدريد اللي بداو المفاوضات باش ياخدوه من اياكس.