گود سبور//

كشف إيريك بريتوس المدير الرياضي لريال سوسييداد على السبب اللي خلاهم يتراجعو عن التعاقد مع الدولي المغربي نايف أگرد لاعب أولمبيك مارسيليا الفرنسي بعد الفحص الطبي، وأكد أن المدافع المغربي بخير وما عندو حتى اصابة.

ووضح المدير الرياضي لريال سوسييداد فتصريح نشراتو جريدة “موندو ديبورتيفو” الإسبانية: “كانتفهم الموضوع ديال نايف أگرد حيث هذا الشي كايبان مفاجئ، وهو لاعب من الطراز الرفيع وما فيهاش الشك، وحاولنا نتعاقدو معه فهاد السنوات الثلاث اللي فاتو حتى الصيف الجاي، وكان ديما داخل فالحسابات ديالنا”.

وزاد وضح المدير الرياضي لريال سوسييداد وقال: “دوز اللاعب الفحص الطبي حيث كان كايتعالج من الاصابة، وما لقينا عندو حتى شي اصابة، ولقيناه بخير، كنا باغيينو يلعب ديك الساعة ولكن ما كناش متأكدين الجاهزية البدنية ديالو داكشي علاش ما تعاقدناش معه”.