كود سبور//
باغيين ريال سوسيداد الإسباني يبقى معهم الدولي المغربي نايف أگرد، واخا يقدر يرجع لويستهام النگليزي اللي مصيفطينو لهم بريطي او ينتقل لفريق آخر حيث عندو عروض.
وفتصريح له قال خواكين ابيربال رئيس ريال سوسيداد على بقاء أو رحيل نايف أگرد: “مازال ما گلسناش باش نهضرو فهذا الشي، ومازال ما وضحت الصورة، ولكن نايف أگرد مهم بالنسبة للفريق وهذا الشي ما نقدروش نكروه”.
للإشارة فنايف أگرد قدم عروض مزيانة هذا الموسم اللي كايلعب فيه بريطي مع ريال سوسيداد، واخا الإصابات المتكررة اللي جاتو.
