كود سبور//

طلب ريال بتيس الإسباني من الناخب الوطني وليد الركراكي، يعيط للاعب المغربي فالصفوف ديالو شادي رياض للمنتخب المغربي.

وتفاعل ريال بتيس الإسباني مع تألق المدافع المغربي الشاب شادي رياض فالصفوف ديالو خلال منافسات بطولة إسبانيا، ونشر تدوينة وجه فيها ميساج لوليد الركراكي بالدارجة المغربية، باش ما يغفلش على المدافع المغربي الشاب اللي حتى فضل يلعب مع المغرب.

وقالو ريال بتيس فميساج فلاباج فيسبوك ديالهم: “خاي الركراكي، واش عرفتي هذا الدري درافات راه مرشح لجائزة أفضل لاعب شاب أقل من 23 عام، فشهر أكتوبر فالليكا؟”.

وكيتنافس شادي رياض على جائزة احسن لاعب لأقل من 23 عام فلاليكا لشهر أكتوبر، بعدما قدم مستويات زوينة مع ريال بتيس، اللي جا له من البارصا فالصيف الماضي.