وكالات//

وقع واحد الحادث مروع فجامعة تكساس التقنية فمريكان، من بعد انفجار قوي وقع فواحدة من فتحات الصرف الصحي داخل الحرم الجامعي، وهادشي خلق حالة ديال الذعر والخوف، ومشى الضو فبعض المباني.

تشعلات عافية خضرا من تحت الغطاء ديال الصرف الصحي، وهاد الشي خلا السلطات تعلن حالة الطوارئ ويفرغو بزاف ديال المباني، منهم المبنى ديال الهندسة الرئيس، بعدما لاحظو تسرب ديال الغاز.

الشرطة ديال الجامعة خرجت تحذيرات عاجلة للطلبة والعمال ديال الجامعة، وقالو ليهم يبعدو على المناطق المتأثرة ويتبعو تعليمات السلامة. الإدارة ديال الجامعة طلبت من الناس ما يقربوش من الحرم الجامعي حيت التحقيقات باقي مستمرة باش يعرفو شنو وقع بالضبط.

وكاين فيديوهات متداولة على منصة “إكس” كيبينو اللحظة ديال الانفجار وكيبان اللهب الأخضر كيتصاعد من تحت الأرض وسط الفوضى والذعر بين الطلبة والعمال فالحرم الجامعي.