وكالات//

قدرو 5 ديال السبوعة باش يهربو من حديقة حيوان تارونغا في سيدني في أستراليا لبارح الأربعاء ف الصباح وهادشي لي نوض الروينة في لمدينة.

الحديقة دارت تحذير عاجل في النواحي ديالها، وطلبات من الناس ما يخرجوش من ديورهم حتى يقدرو يرجعو السبوعة لبلاصتهم.

الحديقة نشرات فيديو على سوشيل ميديا مشدود من الكاميرا ديال المراقبة كيبين كيفاش هرب سبع و4 ديال الأشبال واخاة كانو في منطقة مسدودة وداير بيهم حيط طوله 6 ديال الأمتار.

الحراس قدرو أنهم يسيطرو على واحد من الأشبال بحقنة مهدئة ومن بعد رجعات الأسود الأخرى بوحدها للحديقة.