وكالات//

فار هارب دار حالة من الفوضى والقلق فطيارة تابعة للخطوط الجوية الملكية الهولندية  (KLM)، فواحد الرحلة عبر المحيط الأطلسي من أمستردام حتى لجزيرة أروبا، واللي دامت تقريبًا 10 ساعات.

وحسب تقارير إعلامية، تشاف الفار كيتحرك داخل مقصورة الركاب، وبان ففيديوهات وهو كيزحف فوق القضبان ديال الستائر، ومن بعد نقز للخزائن الفوقانية ووحدات التخزين، وهاد الشي خلّى المسافرين متفاجئين.

وأكد واحد المتحدث باسم الشركة أن هاد الحادثة “نادرة واستثنائية”، وقال بلّي ما معروفش كيفاش تسلل هاد الحيوان للطيارة، وزاد قال بلّي تشاف وهوما مازالين طايرين فوق المحيط.

وأشار المتحدث أن الركاب بقاو هادئين، وطاقم الطيارة كان كيراقب الوضع عن قرب، وأكد بلّي الفار ما قربش للمأكولات اللي فالمقصورة.

ورغم هاد الشي، تقرر تلغى رحلة الرجوع اللي كانت مبرمجة نهار 10 دجنبر من أوروبا لأمستردام، باش يدوزو الطيارة لعملية تنظيف وتعقيم شاملين قبل ما ترجع للخدمة.