وكالات//

بدات السلطات البيروفية اونكيط فالتسريب ديال السجلات الطبية ديال شاكيرا بعد ما عالجتها في وحدة العيادات فليما، وهددت بعقوبات وغرامات اللي توصل ل430 ألف دولار.

شاكيرا، المغنية الكولومبية اللي عندها 48 عام وفازت بأربع جوائز، هزوها للإيرجوزنس نهار السبت الفايت بسبب ألم فالكرش، وهذا خلاها تلغي حفل كبير كان خاص يكون نهار الأحد.

وبعد ما دخلات المستشفى، حسب ما قال موقع”newscentra”، تسربو تفاصيل سرية من تقريرها الطبي على وسائل التواصل الاجتماعي، وهادشي خلا المعجبين يغضبو وفرض إجراء تحقيق رسمي.

وأكد الناطق باسم هيئة الرقابة على الخدمات الصحية الوطنية أن التحقيق مستمر. وقالت المتحدثة باسم الشركة، روبي كوباس: “كنا فالعيادة، واجتمعنا مع المسؤولين، وشرحوا لينا شنو وقع، واللي كان أمر سري”، مضيفة أن التحقيق غادي يستمر لمدة 25 يوم.

+++