وكالات//

فريق براد بيت القانوني قدّم دلائل فيها مراسلات بين محامييه ومحامي أنجلينا جولي بخصوص صفقة بيع الأسهم اللي كانت فـ2021، ومن بين هاد الوثائق كاين إيميل من نونبر 2023 كيشير لدعوى قضائية رفعها بيت كيطالب فيها بتعويضات مالية كبيرة.

محاميو أنجلينا قالو: “الطبيعة المرهقة لأي إنتاج فهِي من صُنع السيد بيت براسو، حيت راه هو اللي رافع دعوى ضد السيدة جولي وكيطلب منها 35 مليون دولار كتعويض”.

وزادو فريق أنجلينا بأن براد بيت كيرفض يعطي الوثائق اللي عندها علاقة باتفاقية السرّية اللي كتمتد لأربع سنين، واللي هو مشمول فيها، واعتابرو هاد التصرف تصرف شخصي منّو، وأكدو بأن هاد الوثائق أساسية فجوهر القضية ديالهم.

وفـ2022، براد بيت قال بأن أنجلينا باعت الحصة ديالها فشركة “شاتو ميرافال” (Tenute del Mondo)  التابعة لمجموعة “ستولي”، رغم أن الاتفاق بيناتهم كان كينصّ بأن ما يبيع حتى واحد منهم بلا موافقة الآخر.

وردّت أنجلينا بدعوى مضادة، وقالت بأن التصرفات ديال بيت ماشي إلا “حرب انتقامية”.