كود سبور//

قرر الدولي البرازيلي رونالدينيو النجم السابق للبارصا وميلان وباريس سان جرمان يرجع من الاعتزال، ويلعب الكورة تاني.

رونالدينيو مول 46 عام، غادي يرجع يلعب وهذه المرة مع فريق رافينا الطالياني اللي كايلعب فالطروازيام سيري فالطاليان.

وخلال التقديم ديالو كلاعب جديد مع رافينيا، قال رونالدينيو: “انا فرحان حيث كاين هنا مع صحابي، وعندنا فرقة قادرة دير شي حاجة مزيانة”.

وكمل النجم البرازيلي، وقال: “واش غادي تشوفوني كانلعب؟ ما عرفتش المدرب بوحدو اللي كايعرف، الرجوع للطاليان شي واعرة، وانا هنا باش نعاون صحابي فالفرقة على الرباح”.

وزاد رونالدينيو وقال: “كيفما كاتشوفو أنا فحالة مزيانة وكانحس براسي بخير والى قدرت نماركي الهدف 300 غادي كون كلشي زوين “.