كود -سبور//

فالحفلة الختامية د كاس العالم 2026، بانت مادونا مع أساطير الكرة البرازيلية رونالدو ورونالدينيو بين الشوطين ديال النهائي اللي جمع بين الأرجنتين وإسبانيا.

الاحتفالات تواصلات بعرض فني صغير، خرجات فيه النجمة العالمية مادونا فطموبيل كان كيسوقوها رونالدو ورونالدينيو، قبل ما يدخلو كاملين لأرضية ملعب “ميتلايف”، وسط تصفيقات وتفاعل كبير من الجماهير اللي كانت حاضرة فالمدرجات.

ولبس الثنائي البرازيلي لباس رياضي، وشاركو لدقائق فالفقرات الاحتفالية اللي كانت مبرمجة فحفل اختتام المونديال، فواحد الديكور اللي رجّع للجماهير ذكريات الجيل الذهبي ديال البرازيل.

رونالدو ورونالدينيو كيبقاو من نجوم الكرة البرازيلية، بعدما ساهمو فالتتويج بآخر كأس عالم ربحاتو البرازيل ف 2002، ملي تغلبات على ألمانيا فالمباراة النهائية.

ومازال رونالدو كيتعتبر واحد من الهدافين فتاريخ كأس العالم بـ15 هدف، اما رونالدينيو لعب مع فراقي كبار بحال برشلونة الإسباني وميلان الإيطالي.