الرئيسية > كود سبور > رونالدو كيحزر البرتغاليين باش يشجعوه ضد المغرب وها شنو قالهم
10/12/2022 01:00 كود سبور

رونالدو كيحزر البرتغاليين باش يشجعوه ضد المغرب وها شنو قالهم

رونالدو كيحزر البرتغاليين باش يشجعوه ضد المغرب وها شنو قالهم

كود سبور/

حاول النجم البرتغالي كريستيانو رونالدو يهز المورال لصحابو فالمنتخب والجمهور البرتغالي، باش يوقفو معهم فالماتش الصعيب مع المغرب غدا السبت، فتيران الثمامة فالعاصمة القطرية الدوحة فربع نهائي كأس العالم قطر 2022.

وخرج كريستيانو رونالدو على مواقع التواصل الاجتماعي ورسل ميساج الجمهور البرتغالي فمحاولة منو باش يضمن التشجيع ديالهم وقالهم: “راه البرتغال ربحات كأس العالم وهي الجمهور ديالها راه الدعم والمساندة  ديال البرتغاليين لنا راه شي حاجة زوينة بزاف”.

رونالدو قال بلي هو وصحابو فالمنتخب حسو بالدعم ديال الجمهور البرتغالي اللي كاين فكاس العالم فقطر، واللي فالبرتغال، من كل بلاصة فالعالم مطلبهم يبقاو يشجعوهم باش يهديوهم الانتصارات.

وكتجي هاد المحاولة من كريستيانو رونالدو لإصلاح العلاقة مع الجمهور البرتغالي من بعد الأخبار اللي راحت ورا ماتش سويسرا فثمن نهائي المونديال، على أنه ما عجبوش الحال حيث ما دخلش رسمي فالماتش وخلق مشاكل فالمنتخب ديالو شي اللي قلق بزاف من البرتغاليين منو قبل ماتش غدا ضد المغرب فربع النهائي.

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب