كود سبور كازا ///

هشام ايت منة رئيس الوداد البيضاوي ما كيحتارمش لا النادي لا المكتب. فقضية واش رونالدو اللعاب البرتغالي غادي يلعب مع الوداد البيضاوي فمونديال الاندية اللي بدا فامريكا، كانت “كود” اتصلات بالمكتب المسير للنادي. احد الاعضاء لكبار اكد ل”كود” باللي ما فراسهم حتى خبار. عضو اخر قال ل”كود” باللي قال ليهم الرئيس ما كاين والو.

البارح فاذاعة “ار ام سي سبور” الفرنسية خرج بتصريح متناقض. يعني كان كيكذب على المكتب. قال فيه باللي كان اتصال وكثر من مرة. بالضبط جوج او 3 مع شي حد عن طريق وكيل اللعاب، وباللي تقتارح عليه يشارك فالمونديال. طبعا ما كانش رد ايجابي.

القضية هو هاد الرئيس اللي كيهمو اكثر صورتو.

من غير لكذوب اللي كذب على المكتب، كيفاش هاد العينة من لمغاربة عندو عقدة مع لفرانسيس ومشى عند فرنسيين باش يجبد هاد الموضوع. المبرر الوحيد هو يبان وصافي. لا المونديال ففرانسا. لا هاد الدولة مهمة للنادي. علاش؟ حقاش ايت منة معقد بهاد الشي ديال لفرانسيس.

كيبن عقلية واحد داخل البرلمان باسم التجمع الوطني للاحرار