كود مصطفى الشاذلي ///

قالت “ميدي 1 تي في” ان رونار مدرب المنتخب المغربي لكرة القدم والجامعة الملكية المغربية لنفس اللعبة اتفقا علي طلاق حبي. القناة في برنامجها “ساعة الكان” اللي تبث ليلة امس الثلاثاء٬ اوضحت ان رونار غادي يمشي فحالو بلا ما يتلقى حتى درهم ولا هو غادي يخلص الجامعة شي فلس. اي ان الشرط الجزائي فالعقد اللي كيجمعهم بحوج حتى 2022 ما غاديش يطبقو لا هادا لا داك.

القناة اكدت ان يوم الطلاق بيناتهم هو السبت الجاي. اي يوم بعد انتهاء كأس افريقيا للامم اللي كاين فمصر واللي غادي يتزامن مع اجتماع للكاف. رئيس الجامعة الملكية لكرة القدم فوزي لقجع كاين دابا فمصر لحضور هاد الاجتماع باعتبارو عضو اللجنة التنفيدية ونائب ثالث لرئيسها احمد احمد.

https://www.instagram.com/p/Bz_s9RYIL_h/?igshid=1lwgyaph7vmtv